ಬಾಲಕರ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ ಸಮಿತಿ(ರಿ) ಶಾರದಾ ನಿಕೇತನ, ಚಿಲಿಂಬಿ,ಮಂಗಳೂರು-೬ ಭಗವಧ್ಬಕ್ತ ಭಾಂದವರೇ, ಕಳೆದ 54 ವರ್ಷಗಳ ಮೊದಲು ಊರಿನ ಬಾಲಕರೆಲ್ಲರೂ ಸೇರಿಕೊಂಡು ಜಾತಿ, ಮತ, ಬೇಧವಿಲ್ಲದೆ ವಿದ್ಯಾದಾಯಿನಿಯಾದ ಶಾರದಾ ಮಾತೆಯನ್ನು ಪೂಜಿಸಿಕೊಂಡು,ಊರಿನ ಬಾಲಕರು ಮತ್ತು ಭಕ್ತಾಭಿಮಾನಿಗಳ ಕರಸೇವೆಯ ಮಖಾಂತರ ಊರ ದಾನಿಗಳಿಂದ ಉದಾರ ಸಹಾಯಧನವನ್ನು ಸ್ವೀಕರಿಸಿ, ಧರ್ಮಸ್ಥಳದ ಧರ್ಮಾಧಿಕಾರಿಯವರಾದ ರಾಜರ್ಷಿ ಶ್ರೀ ಶ್ರೀ ಡಾ. ಡಿ. ವೀರೇಂದ್ರ ಹೆಗ್ಗಡೆಯವರ ಆಶೀರ್ವಾದದಿಂದ ಹಾಗೂ ಶ್ರೀ ಪೇಜಾವರ ಮಟಾಧೀಶರಿಂದ ಉದ್ಘಾಟನೆಗೊಂಡಂತಹ ಬಾಲಕರ ಸಾರ್ವಜನಿಕ ಶ್ರೀಶಾರದಾ ಮಹೋತ್ಸವದವರು ಪೂಜಿಸಿದಂತಹ ಶಾರದಾ ಮಾತೆಗೆ ಕಟ್ಟಿದಂತಹ ಭವ್ಯ ಮಂದಿರವೇ “ಶ್ರೀ ಶಾರದಾ ನಿಕೇತನ” ಬಾಲಕರಿಂದ ಸ್ಥಾಪಿಸಲ್ಪಟ್ಟ ಮೊತ್ತ ಮೊದಲನೆಯ ಶಾರದಾಮಾತೆಯು ಇದಾಗಿದ್ದು, ಹಾಗೂ ಬಾಲಕರಿಂದ ಪೂಜಿಸಿದ ಈ ಶಾರದಾ ಮಾತೆಗೆ ಮೊತ್ತ ಮೊದಲ ಮಂದಿರ ಕಟ್ಟಿಸಿಕೊಂಡ ಕೀರ್ತಿಯು ನಮ್ಮದಾಗಿದೆ. ಮಂಗಳೂರಿನಲ್ಲಿ ವೆಂಕಟರಮಣ ಶಾರದೆ, ಕುದ್ರೋಳಿ ಶಾರದೆ ಬಿಟ್ಟರೆ ನಮ್ಮ ಬಾಲಕರ ಶಾರದಾ ಮಹೋತ್ಸವವು ನಂತರದ ಸ್ಥಾನದಲ್ಲಿದೆ ಎಂದು ಹೇಳಲು ಹೆಮ್ಮೆ ಪಡುತ್ತೇವೆ. ಇಲ್ಲಿ ಮಕ್ಕಳಿಗೆ ಪ್ರಾರ್ಥಮಿಕ ಶಾಲೆ, ನ್ರತ್ಯ, ಕರಾಟೆ, ಚೆಸ್, ತಬಲಾ, ಟ್ಯುಷನ್ ಕ್ಲಾಸ್, ಭಜನೆ, ಲಲಿತಾ ಸಹಸ್ರನಾಮ ನಿತ್ಯವೂ ನಡೆಸಲಾಗುವುದು. ಹಾಗೆಯೇ ಮಕ್ಕಳಿಗಾಗಿ ಧರ್ಮಾರ್ಥ ಪುಸ್ತಕ ವಿತರಣೆ, ವೈದ್ಯಕೀಯ ಶಿಬಿರ, ಪ್ರವಚನ ಮತ್ತು ಇತರ ಧಾರ್ಮಿಕ ಕಾರ್ಯಕ್ರಮಗಳು ಹಾಗೂ ಹಬ್ಬಗಳನ್ನು ನಡೆಸಲಾಗುತ್ತದೆ. ಇಲ್ಲಿ ಇಗಾಗಲೇ ಸಾವಿರಾರು ಮಕ್ಕಳು ವಿದ್ಯಾರ್ಜನೆಯನ್ನು ಮಾಡಿರುತ್ತಾರೆ. ವಿಷೇಷವಾಗಿ ನವರಾತ್ರಿ ಸಮಯದಲ್ಲಿ ಇಲ್ಲಿ ಶಾರದಾ ಪ್ರತಿಮೆಯನ್ನು ಇಟ್ಟು ಮೂರು ದಿನ ವಿಜ್ರಂಬಣೆಯಿಂದ ಸಾಂಸ್ಕ್ರತಿಕ, ಧಾರ್ಮಿಕ ಕಾರ್ಯಕ್ರಮಗಳನ್ನು ಒಳಗೊಂಡು ಶಾರದಾ ಮಹೋತ್ಸವವನ್ನು ನಡೆಸುತ್ತೇವೆ. ಇಸವಿ ೧೯೬೭ ರಲ್ಲಿ “ಅಭಿಮನ್ಯು” ಶಾಖೆಯ ಮುಖೇನ ಬಾಲಕರಿಂದ ಪೂಜಿಸಲ್ಪಟ್ಟ ಶ್ರೀ ಶಾರದಾ ಮಾತೆಗೆ 55ನೆೇ ವರ್ಷದ ಶ್ರೀ ಶಾರದಾ ಮಹೋತ್ಸವದ ಸಂಭ್ರಮ. ಅದಕ್ಕೋಸ್ಕರವಾಗಿ ಇಗಾಗಲೇ ಸಮಿತಿಗಳನ್ನು ರಚಿಸಿ ಬಹಳ ಸಂಭ್ರಮದಿಂದ ಆಚರಿಸಲು ಸನ್ನದ್ಧರಾಗಿರುತೇವೆ. ಈ ಒಂದು ಪುಣ್ಯಕಾರ್ಯಕ್ಕೆ ಭಾಗವ್ಬಕ್ತಭಾಂದವರು ಹೆಚ್ಚಿನ ಸಂಖ್ಯೆಯಲ್ಲಿ ತನು-ಮನ ಧನಗಳಿಂದ ಸಹಕರಿಸಿ, ಈ ಶಾರದಾ ಮಹೋತ್ಸವವನ್ನು ಆತೀ ವಿಜ್ರಂಬಣೆಯಿಂದ ಮಾಡಲು ಸಹಕರಿಸಬೇಕಾಗಿ ವಿನಂತಿಸುತ್ತೇವೆ.